“Bakla ka ophis, ym ka Chaiperson”

Shillong, 19 Jylliew:
Ka ophis jong ka Khasi Hills Autonomous District Council (KHA DC) ka la pynshai ba ka Chairperson ka KHADC ka kong Teilinia S Thang khiew kam shym don kano kano ka jingleh shiliang ne ka jingbakla hynrei ka dei ka jingbakla na ka ophis. U Joint Secretary ka KHADC, u la ong ba ym shym don kano kano ka jingleh shilliang khmat namar ba ia ka resolution baroh la pynpoi da ki dkhot shwa ka 8 tarik Jylliew 2015 kaba dei ka tarik khatduh ba la buh da ka ophis.
Ha kaba iadei bad ka resolution jong u bah Pyniaid Sing Syiem, la iohpdiang da u Secretary ha shwa katei ka tarik ba khatduh, la pynshai u Joint Secretary ka KHADC.
Kane kadei ka jingbakla na ka ophis ba ym shym la kynthup ia katei ka resolution jong u bah Pyniaid Sing Syiem, la ong u Joint Secretary ka KHADC.