15 jait, ki dawai pyut, bret ka Shillong Civil Hospital

Shillong, 18 Jylliew: 
Ka Shillong Civil Hospital, ka la bret kai haduh 15 tylli ki jait dawai kiba la pyut ei kiba ju ai sha ki nongpang ba sah ha hospital bad kiba shu wan shim dawai.
Katkum ka jingtip ba la ioh lyngba ka ain wad jingtip paidbah na ophis jong u Director of Health Service, la pyni ba ki dawai ba sniew ha Shillong Civil Hospital baroh ki don khatsan jait ki dawai, kine ki dawai ba sniew ki long u dawai Cepodoxime Proxeted 200mg, Chlorpromazin 1mg, Ofloxalin Syp.50 mg, Cloxicillin 125mg kit, Chloramphenicol & Benzocain E/D, Etheo phyllin & Theophyllin Tab, Promethazin 1mg, Benzyl Benzozte lotion, Doxycyclin 100mg Tab, Aromatie Spirit 450 ml, Bactoprim Susp.60ml, Frusemide Inj, Meticho pramide 10mg Tab, Lignocain &Andrenolin bad u Norfloxacin 400mg.
    Ia kine ki dawai ba la sam sha ki nongpang ka Shillong Civil Hospital, la phah na ka Central Medical Store jong u Director ka DHS. Ka jingtip ba la ioh na kane ka ophis, ka la ong ba haduh mynta ym pat ioh jingtip ia ka jingshim pynshitom ne lap ia ki daw ka jingsniew kine ki dawai bad la ong ba u Joint director ka Shillong Civil Hospital, u dang dei uba shu shimti thymmai hadien ba uba rim u la shah kynriah kam noh.
Ha ka jingshisha, kham mynshwa, ia ki jingpyut ki dawai na Shillong Civil Hospital, la thung jingtohkit da u Joint director barim mar ia mih ha ki lad pathai khubor ban lap ia ka daw halor kane ka jingjia.