La plie ia ka Tourism jong ka Costa Rica jong ka Meghalaya

Shillong: Ka shnong Laitiam, ka dei ka shnong ba ha them jong ka kshaid Nohsngithiang ne Seven Sister Fall ba juh khot ieid ki nong wan jngohkai sha ka thain Sohra.

Ha ka 2 tarik Nohprah 2021, ka Laitiam Multipurpose Cooperative Society ka la plie ia ka kam jngohkai pyrthei ha ka shnong Laitiam. U kongsan ha katei ka jingplie u dei u Bah Balajied Synrem, MLA jong katei ka thain, ryngkat ka jingiadonlang jong U Dr. Vijay Kumar, Commissioner jong ka Tourism ha ka Jylla. Ha katei ka sngi la ioh ban plie ia ka Campsite bad ka Homestay kum ka jingpynkhreh iakiba wanjngohkai sha katei ka shnong.

U Bah Balajied Synrem kum u kongsan u la ai khublei kitbok kitrwiang iak a Cooperative Society ba ka lah lah ban treishitom haduh ban pynurlong ia katei ka kam. Kumjuh ruh ha katei katei ka sngi u lah ioh ruh ban plie ia ka Pico Hydroelectric ha katei ka shnong.

Shuh shuh na ka liang U Dr. Vijay Kumar, Commissioner jong ka Tourism ha ka jylla, u iathuh ba ka Laitiam ka long kum ka Costa Rica jong ka Meghalaya, da ka jingdon ki jaka kiba itynnad lyngba ki wah ki khlaw bad kumta ter ter. Ula kular ruh ba na ka liang ka sorkar kin ai ka jingkyrshan ba pura ban kyntiew shuh shuh ia ka kam jngohkai ha katei ka shnong.

Ha katei ka sngi la iadon ryngkat u SDO, BADO bad kiwei ki officer kiba la pynshongkun ia katei ka jingialang plie ia ka Tourism ha Laitiam.