Shah thung ka Deborah Marak bad u Bah Pynshngaiñ N Syiem kum ki Working President ba thymmai ka seng Congress

Shillong: Ka Myntri barim jong ka seng Congress ka Deborah Marak bad u CEM barim jong ka Khasi Autonomous District Council(KHADC) u Bah Pynshngaiñ N Syiem ki la shah thung thymmai kum ki Working President jong ka Meghalaya Pradesh Congress Committee (MPCC).

Ia katei ka jingtyrwa la pyntikna da ka President baheh jong ka seng Congress ka Sonia Gandhi bad ia kane la pyntip da u KC Venugopal u ba dei u General Secretary jong ka AICC lyngba ki lad pathai khubor ha ka sngi Balang kata ka 1 tarik u bnai Nohprah 2021.

U KC Venuopal u la iathuh ruh ba ka President jong ka seng Congress ka la thung ruh ia ki sawngut ki secretary kiba kynthup ia u Billykid Sangma, Grithalson Arengh, Roger Benny A Sangma, E Oscar Phira bad u Manuel Badwar.