Shillong: Ka General Meeting jong ka Allumni Association, Sngap Syiem College Mawkyrwat ka la pynlong ia ka General meeting ha ka 30tarik Naiwieng, 2021 hapoh jong ka College. Ia kane ka jingialang, la pyniaid da u babu Sonbolding Kharwanniang, Asst Prof. Economics Department. La ioh ia ka jingkren na u babu Kyntiewkupar Nongsiej, Vice-Principal bad Coordinator IQAC Sngap syiem College.
Ha kane ka prokram laioh ruh ia ka jingaiti bad shimti kam na ka Committee barim da u babu P.Wanniang sha u Bah Carnes Soh shang kum u President ba thymmai jong ka Allumni, Pastor L.E Jyrwa kum u Vice-President, Babu Phyr nai Nongrem kum u General secretary, Greatbornson Snaitang kum u Asst.Genl Secretary bad u bah Joystarlin Marngar bad bah Banshngain Marwein kum ki Publicity Secretary. Ki don palat 40 ngut ki dkhot bad nongkitkam jong ka Executive Committee ki ba mihkhmat na ki dong bapher bapher hapoh ka District. Ha ki kyntien shimti kam, u Bah Carnes u ba long ruh u MDC jong ka Mawkyrwat, u la ai khublei ia ka Executive Committee barim bad ruh u la iawer ia baroh ki dkhot jong ka Executive Committee ba thymmai ban ia trei shitom.
Khublei shibun ia baroh ki nongkitkam barim ka Alumni jong ka Collwge. Kumjuh ruh ia kiba thymmai. U Blei Un kyekhu lang ia phi baroh. To iai trei bad iai kyrshan ia la ka jong ka College ba kan iaid shapheang nangne shakhmat.