Pan jubab u lamphang, na U Mukul, ba u dei ban shah mait kyrteng kum U MLA

Shillong: U Bah Metbah Lyngdoh, lamphang dorbar jylla, mynta ka sngi, ula pan jubab na U Mukul Sangma, nongialam ka All India Trinamool Congress (AITC), ha kaba ula kylli ia u, halor ka nongrim, kaba un hap ban shah pynduh noh ia ka jinglong dkhot jongu, kum u dkhot ka iing dorbar jylla.

U lamphang, ula ai por, da hynniew sngi, na ka bynta ba U Mukul Sangma, un jubab halor katei ka jing iadei bad ka jing mait kyrteng noh ia u, kum u dkhot ka iing dorbar jylla, katba kum ki kyndon kyntiap seng jong ka 10th Schedule.

Na ka liang ka kong Ampareen Lyngdoh, nongialam ka seng Congress bad kaba dei ruh ka Working President, ka la ujor ha u lamphang dorbar, ha ka 29tarik Naiwieng 2021, ha kaba ka dawa ba dei ban mait kyrteng noh ia U Mukul Sangma, halor ka ain kyntiap seng.

Ha katei ka sngi, la dawa ban weng noh ia ka jinglong dkhot jong ki 10ngut ki MLA, katba ia u Bah Charles Pyngrope, lem bad U bah Shitlang Pale, ym pat shym la ujor satia haduh mynta.