Ioh EM u bah Albinus

Shillong,18 Jylliew:
Mynta ka sngi la pynthikna ba u bah Albinus Lyngdoh MDC ka Umroi u dei sa uwei pat u EM ka KHADC uba la ioh jingmynjur na u Lat ka jylla, kham myn shuwa ka kyrteng u bah Albinus bad ka kyr teng u bah Victor Rani ka la paw ba uwei na ki kin shim ia ka kam EM KHADC, hynrei hadien ba ki nongialam ka PDF ki la ailad hapdeng jong ki ban ia pynbeit la hun la suk da ka kyrteng u bah Albinus Lyngdoh. Kham mynshuwa ka la don ruh ka jingiapynbeit ba uwei napdeng kitei un ioh ia ka kam EM katba uwei pat un bat da ka kam Dy.Chairman.
Hynrei la ong ba mynta la mih biang ka jing iatyngkhuh naba sah sa tang marwei u bah Gabriel Wahlang u MDC ba shu sieh u bym pat ioh bat kam bad ia kane ka kam ruh ki nongialam ka PDF ki la aiti ha kitei 2 ngut ban ia pynbeit mano ban shong ha ka shuki Dy.chairman , hynrei ki tyllng khubor ki la iathuh ba ia katei ka kam lah ban ioh u bah Victor naba la shim ba u dei u MDC ba shah jied ym uba shu sieh, katba ia ka u bah Gabriel pat ka PDF ka lah ban aiti noh da kano kano ka kam Lamphang.
Lah ruh ban pynkynmaw ba uwei pat u MDc rangbah ka seng Congress u bah Mansturdy Nongrem haduh mynta u dang shong sharud naba ia u la mang kyrpang ia ka shuki Lamphang, hynrei u dang hap ban ap namar ba haduh mynta ruh ka Lamphang ka KHADC ka kong Teilinia Thangkhiew kam pat risain.