Khang ia ki kompeni lum pisa

Shillong, 18 Jylliew:
Ka jingialang jong ka kynhun myntri hynne ka sngi Palei ka la pdiang ia ka Meghalaya Price Chit and Money Circulation Scheme Banning Rule, 2015 ka kyndon kaba thmu ban lad bad tehlakam ia ka jingmih ki kompeni kum ki tit ban lum pisa na ki paidbah.
Ka sorkar ka la pdiang ban pyntreikam ia kane katkum ka Prize Chits and Money Circulation Schemes (Banning) Act, 1978.
“Kane ka kyndon la pdiang ban khang ia ka jinglum pisa bad ka jingpyniaid pisa ha kane ka jylla”, la ong ka sorkar. Katkum ka jingong ka sorkar, la don shibun bah ki briew kiba la duh ei ia ki pisa jongki namar ka jingshah thok ha ki kompeni kiba pynmih bun jait ki skhim ne ki prokram ban khring ia ki paidbah. “Ngi la shim ia kane ka rai na ka bynta ban iada ia ki paidbah na ka jingshah noin bein”, la ong ka sorkar.