Wan ba san ka Meghalaya, ha ka jingdon kiba duk tasam ha ka Ri

New Delhi:Ka Bihar, Jharkhand bad ka Uttar Pradesh, ki dei ki jylla kiba duk ksew ha India, ong ka kaiphod jong ka Niti Aayog, kaba la tip, kum ka Multidimensional Poverty Index (MPI).

Katei ka kai phod, ka pyni, ba ki don 51.91 per cent, ki nongshong shnong ka Bihar, kiba da duk ksew shisha, nangta, ki don sa 42.16 per cent ha Jharkhand, 37.79 per cent ha Uttar Pradesh. Ka Madhya Pradesh (36.65 per cent), ka hap ha ka kyrdan ba saw bad ka Meghalaya (32.67 per cent), ka hap ha ka kyrdan ba san, ha ka jingduk tasam ha ka Ri baroh kawei.

Na kitei, ka Kerala (0.71 per cent), Goa (3.76 per cent), Sikkim (3.82 per cent), Tamil Nadu (4.89 per cent) bad ka Punjab (5.59 per cent), ki dei kiba wan sha trai duh, ha ka jingduk ksew ha ka Ri baroh kawei.
Na ki jylla rit, kiba duk tam, ki long ka Dadra and Nagar Haveli (27.36 per cent), Jammu & Kashmir, and Ladakh (12.58), Daman & Diu (6.82 per cent), ka Chandigarh (5.97 per cent), ka Puducherry, ka long 1.72 per cent na ki nongshong shnong, ki dei kiba duk tasam, ka Andaman & Nicobar Islands (4.30 per cent) bad ka Delhi (4.79 per cent), ka kham bha shibun ia kitei kiwei ki jylla rit.