Shillong, 16 Jylliew:
Ka Kashari High Court Meghalaya ka la pynmihhukum ba u Superintendent of Police (SP) ka South West Khasi HillsDistrict u MGR Kumar ba un sospon ia u Officer In-charge (OC) ka Mawkyrwat Police Station halor ka jingleh torti ia ka kamram ba labyn shet bad la bthah ruh ban rejister mukotduma pyr shah ia ki ophisarbad ki briew kiba donkti ban set along ia u Bah Slinder Turnia uba donjingduna bor khlieh la kumba shi bnai eiei ha shnong Ngunraw.
U nongbishar  Justice Uma Nath Singh, Chief Justice bad u Justice TNandakumar Singh ki la pynmih ia ka hukum ha kane ka sngi Nyngkong baka Deputy Commissioner ka South West Khasi Hills District ka dei bansiew bai lutksan kaba biang sha une u rangbah ba shah set along ha ka shnong namar ka jingpynshitom beaiñ ia u.
Ka Kashari ka la kyntait ruh ia ka jingpan map jong ka DC bad u SPhalor kane ka jingjia kaba long ka jingpynkhein ia ka hukum jong ka Kashari, hynrei na ka liang ka Kashari kam pdiang satia ia kajingpanmap jongka, hynrei namar ba ka DC ka la kular ba ka sorkar kan siew ia ka bailutksan sha uba shah pynshitom,  ka Kashari ka la buh sngi biang ban pynlong ia ka jingbishar ha ka 17 tarik ka sngi Balanghalor kane ka kam.
Lah ban kdew ba u Bah Slinder Turnia u la shah set along ha ka shnongNgunraw hadien ba la kyrpad kiba haiing jongu namar ba u wanrah ia ka jingma ia ki briew ha shnong namar ba u don ka jingduna bor pyrkhat.