Phah shithi 12 ngut ki MLA, sha u lamphang dorbar, ba ki la mih na ka seng Congress

Shillong:Ka khubor kaba dang shu ioh lum mynta ka miet, ka iathuh ba U Mukul Sangma, uba dei u nongialam ba rangbah jong ka seng Congress, ula pyn iasoh ialade sha ka seng TMC, mynta ka sngi.

La iathuh ba U Mukul, ula pyn iasoh sha ka TMC lem bad ki 11 ngut ki MLA, jong ka seng Congress.
Ki lad khubor, ki iathuh ba U Mukul Sangma, un kren sha ki kotkhubor, lashai ka sngi, ha Shillong, ha ka por 1baje nohsngi, wat la ym shym la tip satia, ia ka mat, kaba un kren lashai ka sngi.

Kiwei ki lad khubor, ki iathuh ba kitei ki MLA, ki la phah ia ka jing pyntip, mynta ka miet sha u lamphang dorbar, ba ki la mih noh na ka seng Congress bad kitei ki kynthup ia U bah Charles Pyngrope, MLA na Nongthymmai, Bah George B Lyngdoh, Bah Himalaya Shangpliang, Bah Shitlang Pale bad nangta sa 8ngut kiwei pat ki MLA na Garo hills.