Khlad ha shen u rangbah ba niah Scooty ba iuh ka trok ha Mawsmai

Nongpoh: Mynta ka janmiet ha ka por 7 baje ei ei, ka la don kawei ka jingjia shah iuh kali, ha kaba uwei u briew uba niah ia kawei ka Scooty, kaba don ia u number AS-01-EX-0271 la khlad noh hashen, hadien ba u la shah iuh ha kawei ka trok kaba don ia u number AS-01-DC-9365.

Katei ka jingjia ka la jia hajan ka jaka rung jong kawei ka Petrol pump kaba don ha 11mer Mawsmai, Ri Bhoi District, ha kaba katei ka Scoty bad katei ka trok, ki don ha ka lynti ban hiar sha Guwahati, hynrei haba ki la poi ha katei ka jaka ba mut ban rung sha katei ka Petrol pump, la jia katei ka jingjia aksiden bad kaba la pynlong ia utei u nongniah Scoty ba un khlad hashen.