Ki nonghikai SSA, ki don ha ka jingkutlad kaba jur ha kine ki sngi bad ka daw, ka long namar ba ki duh tulop, na ka bynta san bnai kynthih bad katei ka dei ka jingktah kaba jur ia ki, ia ka iing ka sem bad ia ki khun ki kti jongki.
Hynrei, ha kaba kum kane ka por, ka dei ruh ba kin sngewthuh, ba kam don kaei kaei, ka bym lah satia ban iakren bad kata ka jing iakren, ka dei ban long hi bad ka sorkar jylla, lane bad ka tnat ka pule puthi bad kam dei bad kano kano ka kynhun.
Hynrei, haba shu peit, na ki jing iakhih jong ka seng, kitei ki nonghikai, la iohi, kumba ki ailad pynban ia ki liang pyrshah, lane ia ki kynhun, kiba kren pyrshah sorkar, ba kin rung ha ka kynhun jongki bad katei ka long, ba kham mynshwa, ha ka jing iakhih jongki, ha U Nailur 2021, ki la lum ia ki MLA Congress, ha kaba ki la don bun ngut, kiba la kren ha katei ka jing ialang jongki; hynrei hangtei ruh ym mih soh eiei satia bad ha ki khyndiat sngi ba ladep, ki la pynlong jing ialang paidbah bad khot sa ia ki sengbhalang bad kitei ruh ki la nion tyngeh ia ka sorkar, ha kaba la kynnoh ia kane ka sorkar, ba ka dei ka sorkar riewkai bad sa shibun ki jing kynnoh ba har har rukom.
Kitei ki ar tylli ki jingjia, ki paw pynban, kumba kim dei satia ki jing ialang ban ia kren ia ki jingeh bad ban ud ha ka sorkar, hynrei ki kdew, kumba ki long ki rynsan ban iakren pyrshah sorkar.
Kaba sngewsih, ka long ba ki ain jong ka sorkar, ha kaba iadei bad ki nonghikai, ka la mutlop shaba palat (tangba ngim dei pat ban shu nion shi beit ia kane ka sorkar MDA, khamtam ia ka seng NPP, kaba dang shu mih pyrthei shen) bad ki nonghikai Lower Pri mary, ki nonghikai Deficit, ki ju ud ju nam, halor ki jingeh jongki, hynrei, ha kajuh ka por, kitei ki wad ia ki lad ki lynti sha ka sorkar, na ka bynta ki jingeh jongki bad ha ka jing iai buddien, la iohi, ba ka ju plie bunsien ka lad ia ki.
Kam dei tang kata, ha kaba kum kane ka kutlad, ki nong hikai, kin iai neh hi ki nonghikai bad kin nym lah ban iehnoh ia la ka jong ka kam bad leit wad da kawei pat ka kam bad haba ka long kumta, ki hap ban wad ia ka lad ban im ialade bad nalorkata, ki dei ruh ban wad ia ka lad, ba kin ialeh bha, ki khynnah skul jongki bad ia katei ka mat, ki dei ban iakhih bad ban dawa na ka sorkar, ia ka lynti kaba bha tam, kaba dei ban kyntiew ruh ia ka lawei u khynnah skul.
Ka daw bah ka long kumne, mynshuwa u Conrad u ong ba un sa leh ei2 bad iakren ia kine ki jingeh ki nonghikai Lada u don ha ka bor , hynrei u sir Aristotle u la ai jingmut ruh ia ki para nonghikai ba lakumno2 ngin ai keiñ ka jingkyrshan ia kane ka sorkar khnang ba kan leh ei2..Hynrei ynda mynta da lah don ha ka bor u khlem shim khia , nalor ka central government kala ai jingmut ban nang siew na ka state fund lakumno2 1bnai na ka arbnai 3bnai ia ka bai bylla ki nonghikai khnang ban lait na ka financial problems ne IAP thngan ha iing hasem bad ki khun, kata ruh hana ymlah, da ki klur tyngka ka ne ka sorkar ka pynphai ia ka pisa state financial ba ai ka central ia ka state sha ka sorkar india.. hynrei ha kum kine keiñ dei ban pyndonkam ia kata ka pisa bad ha kiwei2 ki kam katkum ka jingdonkam.. ka ba pynlong ia ki nonghikai ban ia khih ksaid kumne ka long kaba sngew biej..hynrei kam dei pat ba man ka 4bnai 5bnai ngin shu suffer kumne kajuh Shi kajuh, balei kiwei ki nongtrei sorkar ym juh iakhieh namar Lada ki set arbnai la pyllait noh Shi B’nai.. te la kumno2 ki la ia im hynrei ia ki nonghikai SSA PAT? Hato Kim donkam bam, siew bai light etc.. namar kane ki nonghikai ki pynbna lypa ia ki protest, ki rally etc..khnang ba ka sorkar kan leh ei2 ne wadlad ..hynrei shu kumne borabor..Nakata ka daw ki ki sengbhalang ki ioh sngew ha ki tyndong shkor jong ki, ha ki media te ,ki ruh Kim sngew lah shah shuh ban set ia ka shyntur ki shkor..kumta ki wan ban ai lem ka jingkyrshan ban pynbor lem ia ka sorkar ban leh ei2 kloi ioh lap shuwa ka jingiap thngan ban ia kaba IAP corona..hynrei ym don da kiwei pat…😏🙏🏻