Guwahati:Ha ka jinghiar thma, kaba triem shi katdei ha Manipur; hynnin ka sngi, U Col Viplav Tripathi, u commanding officer jong ka 46 Assam Rifles, ka tnga bad u khun jongu, lem bad 4ngut ki shipai, ki la iap, ha ka jingshah hiar thma, hynnin ha Thinghat kaba ha Churachandpur district, kaba don ha khappud jong ka Myanmar.
Ki ehrang, ki la pynbthei da u bom IED bad nangta, ki sa siat naphang ia utei u heh shipai bad kiwei kiba don hapoh kali, ha ka jinghiar thma, kaba jia hynnin, ha ka por 11baje mynstep.
Ka khubor na ka Assam Rifles, ka iathuh ba ki don 5ngut ki shipai, kiba iap, kynthup ia U Col Viplav Tripathi, u khun jongu bad ka kurim jongu.
Haduh mynta, ym pat don ba kam trai, halor katei ka jingjia, ong ka khubor. U heh duh ki pulit ka Manipur, U L M Khaute, u kam ba katei ka jingjia, ka lah ban dei ka kti jong ki shipai People’s Liberation Army.
Kiwei ki shipai, kiba iap hynnin ka sngi, ki long U Colonel Viplab Tripathy, U Suman Swarglary, uwei na ki shipai, U Khatnel Konyak, U RP Meena, U Shyamal Das.
Phi don ban ong eiei?