Lah ban pynshisha dalade ialade

Shillong, 12 Jylliew:
Ka sorkar jylla ka la shim ia ka rai ban ailad noh ba ki samla pule kin lah ban pynshisha dalade hi ia ki kot ki sla jong ki kum ka Marksheet, serti phiket sngi kha, bad kiwei na ka bynta ba kin ioh rung skul ne kolej hapoh ka jylla. Ka la ailad ruh ia ki samla pule kiba aplai jaka pule na ka bhah ka sorkar kum ka jingpule enjiniar, doctor, Veterinary ne Agriculture ba kin pynshisha ia ki kot ki sla jong ki dalade hi.
Ia kane la pyntip da u Under Secretary sha ka sorkar Meghalaya, Personnel & Administrative Reforms Cell. Ia kitei ki kot ki sla la ong ba lah ban attest hi da ki samla pule ym shuh da ki ophisar kumba ju leh mynshuwa lane da kaba leh affidavit. Hynrei la ong pat ba ki samla pule ki hap ban pyni ia ki kot ki sla Orginal jogn ki ban pynshisha ha ka bynta ba khadduh. La maham ruh ba kino kino kiba pyrshang ban leh buit tuh yn pynngat kum ki nonglehkam sniew ha ki kyndon ka ain.