Nongpoh: Ha kaba pynkut ia ka lympung ialehkai ka Byrnihat Sports Association, ka Umtyrnga FC ka la ioh ban rah ia ka namlahduh bad khur ia ka song pisa kaba T. 1 lak, kaba hadien ba ka la lah ban pynliem ia ka Lamare SC da 2-1 ha ka jingiakhun Phainal kaba la long hynnin ka sngi ha madan ialehkai ha Byrnihat.
Khyndiat haba phai sha katei ka jingiakhun Phainal, ka long ba ha ka kylla step jong ka jingiakhun, ka Umtyrnga FC ka la lah ban lamkhmat ia ka jingiakhun da 1-0. Haba la bteng ka kylla miet, ki rangialehkai ka Lamare SC shipor ki la lah ban pyniakhaid, da kaba pynphai kylla ia katei ka kol kaba ki la shah thep, hynrei tang kumba katto katne minit ei ei, ka Umtyrnga FC, ka la thep biang bad katei ka kol kaba ki la thep, ka la neh haduh ba kut ka jingiakhun bad kaba la pynlong ia ka Umtyrnga FC ba kan pynliem noh pyrshah ia ka Lamare SC da 2-1.
Ka Umtyrnga FC kaba la ioh ban khur ia ka namlahduh ha katei ka lympung, ka la ioh ban khung ia ka song pisa kaba T. 1 lak lem bad ka Trophy, katba ka Lamare SC kaba la shah rem noh, ka la ioh ban khur ia ka song pisa kaba T. 50 hajar lem bad ka Trophy.
Phi don ban ong eiei?