Kem ding ka liengsuin ia pom ka Syria, ba siat ki shipai ialeh pyrshah

La iohi, ia ka lieng suin iapom jong ka sorkar Syria, ba ka la kem ding ha jrong suin, hadien ba ka la shah siat ha uwei u nam ding, katba ka dang her, ha ki bynta ba shathie jong ka Syria.
La shon ia ka dur jong katei ka liengsuin iapom, ha ka Jylla Daraa, ha kaba ka la shah pynhap hadien ka jingther kuli da ki shipai jong ka Free Syrian Army.
Katei ka liengsuin, ka shah siat ha u namding, uba la siat na madan, da ka kynhun Southern Front, kaba ia khun ha kajuh ka shatri bad ka Free Syrian Army. Ka jingshah siat, ka dei ha ka por, ba katei ka liengsuin, ka dang hiar thma ha ki bynta jong katei ka jaka ha Daraa, hynrei, ka la shah siat noh mar kumta hi.
La iathuh shuh shuh, ba katei ka kynhun shipai jong ka Free Syrian Army, ka la ioh kurup ia ka ktem jong ki shipai, sha ki bynta ba shathie jong ka nongbah bad katei ka la pyni ba ki shipai jong ka Syria, ki la nang duh bor noh ha kine ki sngi.La iathuh ba ka Southern Front, ka la kurup ia ka ktem jong ki shipai jongka 52nd Brigade ha Daraa, hadien ka jing ia khun kaba 24 kynta kynthih.