Shah kem 5ngut, kiba rahbor ia ka Bolero Pickup na Lumshnong sha Khliehriat

Shillong: Ha ka 8tarik Naiwieng, 2021, ha ka por 5 baje janmiet, la ioh jingtip, ba kawei ka Maruti Zen, kaba don ia u number AS 01 N 3251, ka la khang lynti ia kawei ka bolero pick up, kaba don ia u number AS 1 HC 2790, kaba leit na Lumshnong sha Khliehriat. Kitei ki nongtuh, ki la kiew ha katei ka Bolero pickup, ha kaba ki la rahbor ia katei ka kali bad rahbor ia u nongniah ruh.

Ki pulit ka East Jaintia, mar ia ioh ia katei ka khubor ki la buh ia ki jaka khang lynti bad ki la ioh ban bat ia katei ka Maruti Zen bad nangta ka bolero pick up ha ka shnong Deinchynrum. La ioh pyllait im ia utei uba shah rahbor bad nangta la ioh kurup ruh ia ka air pistol, kaba la pyndonkam da kitei ki nong rahbor.

Ki pulit ki la shimti ban tohkit, lyngba ka Khliehriat PS Case No. 77 (11) 2021 U/s 323/395 IPC bad la kem ia U Fairwancy Thoo (22), na Pompyrthat, U Bah Daniel Bareh (19) na Rymbai Pohshnong, U bah Eden Thoo (23) na Rymbai Pompyrthat, U bah Glory Rymbai (19) na Rymbai Pompyrthat bad U Melamon Tlang (19) na Rymbai Pohskur.