Wat pynlip mobile , ong u DC ia ki ophisar

Shillong, 11 Jylliew:
Hadien ba ka tnad kaba thew ba woh ma riang ka la maham lypa ba kan don ka jinghap slap kaba jur ha kine ki khyn diat sngi ban wan, u De puty   Commissioner ka Ri Bhoi District, u la hukum ia baroh ki Block Development Officers bad ki ophisar ka District ba kin long kiba la khreh bad ban pynkhreh ban pyn donkam ia ki lad ai jing iarap ha kano kano ka jingshah lynshop mariang ha Ri-Bhoi.
U la hukum ba ki dei ban pynkhreh ia ki briew bad ki tiar kiba don bad kim dei ban pynlip ia ki mobile phone jong ki, u la hukum ba lada don kano kano ka jingjia dei ban pyntip mar mar sha ophis u DC. La bthah ia ki paidbah ba kim dei ban tur shajan ki wah ki um bad ki jaka ba twa khyndew. U la pyntip ba ka Emergency Operation Centre (EOC) ka dei ban treikam 24 kynta.