Nongpoh: Haba ai jingkren ha ka jingialang ha Ri Bhoi College, u Ma Lahkmen Rymbui, Myntri ka sorkar jylla, u la ong ba ka sorkar MDA kaba la ialam da u Conrad K. Sangma kum u Myntri Rangbah, ka dei ka sorkar ka bym ju kular kai ia ki paidbah, hynrei ka la ialeh shitom na ka bynta ban pyndep ia ki jingkular kaba la dep ban kular sha ki paidbah ha kip or Ilekshon.
Shuh shuh, u Ma Lahkmen Rymbui, u la ong ba tang ha kine ki 3 snem tam, wat hapdeng ka jingshah wan lynshop ha ka khlam COVID-19, hynrei ka sorkar MDA ka la jan pyndep lut ia ki jingkular kaba la la dep ban kular ha ka por ilekshon, hynrei ki dang don tang hangne hangtai khyndiat khynsoit kiba ym pat lah ban pyndep.
Kane ka sorkar MDA, ka don ruh ia ka jingangnud kaba khraw eh na ka bynta ban kyntiew ia ka pule ka puthi ha ka jylla hi baroh kawei bad dei halor kata ka nongrim kaba la leh shitom ban thaw ia ki lad ki lynti, ba kumno yn lah ban pynbiang ia ka pule puthi ha ka jylla. Halor katei ka nongrim ka la thaw ia shibun ki lad ki lynti ba kumno yn lah ban pynieng ia ki skul Building, na bynta ki LP, UP bad kumta ter ter.
U minister heh tang ka ktien katba jingeh ki nonghikai kum ki ad-hoc bad fourth teacher na ka jingsiew barit um pat lah ban pyndep ia ki jingkular, ki media ruh kim ju patiaw bn pynpaw ia ka jingeh jongki nonghikai ha ki press