Ka Facebook, ka la kylla kyrteng ialade sha ka “Meta”

San Francisco: U Mark Zuckerberg, ha ka sngi palei, ula pynbna, ba ka facebook, ka la kylla kyrteng noh bad katei ka kyrteng thymmai, kan dei ka “Meta” bad katei ka long ban saindur thymmai ia katei ka kompeni, kaba la sniew dur shibun ki jingtrei jongka, ha kine ki sngi.

Katei ka kyrteng thymmai, ka dei na ka kyntien “metaverse” lane kaba lah ban shim kyllum, kum ka juk thymmai jong ka internet bad katei ka thew, ia kaei ka jingthmu kaba U Mark, u thew ban pyn kylla ia ka imlang sahlang nangne shakhmat, ha ka jing iadei bad ka bor jong ka internet.

Hynrei U Mark, u iathuh ba ki apps bapher jongki, kin iai neh hi da ki juh ki kyrteng kum ka facebok, ka whatsapp bad ka instagram bad kiwei.

Ka Facebook, ka la pynbna ba kan thung ia 10 hajar ngut ki nongtrei ha ki ri Europe, ban pyntrei kam noh, ia ki buit thymmai jong ka “metaverse”.