Yn pyn saphriang ia ka Wi-Fi sha ki shnong, rai ka kynhun myntri

Shillong:Ka Kynhun Myntri jong ka Sorkar Pdeng ba ialam da u Myntri Rangbah Duh, u Narendra Modi ka la mynjur ia ka jing tyrwa na ka tnat Tele com (DoT) ban pyn saphriang ia ka Broad band lyngba ki network Wi-Fi na ka bynta ki briew hapoh ki kyndon jong ka Prime Minister’s Wi-Fi Access Network Interface (PM-WANI) ha ka 9 tarik u Nohprah 2020.

Ki kyndon ka PM-WANI ki plié lad ia ka jingsuk ha ki kam khaii bad ka pynshlur ia ki dukan ha ki shnong bad ki kam barit baria ba kin long ki jaka ai Wi-Fi lane ki Wi-Fi Hotspot (PDO).

Ka Ophis u Sr. DDG, NE, LSA kan pynlong ia ka jingiamir jingmut bad kito kiba kwah ban seng kam hapoh kane ka bynta jong ka PM-WANI ha ka taiew ba nyngkong jong u bnai Naiwieng, 2021. Ki Public Data Office (PDO), Public Data Office Aggregator (PDOA) bad App Provider kiba la don lypa bad kiba kwah ban seng thymmai kin ioh ban iakren bad ki heh Sorkar ban ai jingmut na ka bynta ka jingpynsaphriang ia ka Broadband lyngba ka PM-WANI.
Note: ka email id na ka bynta ka jingpynrung kyrteng na ka bynta kane ka jingiamir jingmut ka long [email protected].