Khang tala ia ka Kolej, kaba shim da ki masi san tylli; ia kiba pule BTech ha Bihar

Ka kolej kaba ha Buxar District, jong ka jylla Bihar; ka don ia kawei ka buit, kaba kham pher bad kata ka long, ba ki samla kiba leit pule ia ka kyrdan BTech, kaba saw snem; ha katei ka kolej, ki la ban siew bai kolej, da kaba ai da ki masi sha ka kolej, lada jia ba kim don pisa ban siew.

Hynrei katei ka kolej, ka la shah khang tala, ha kine ki sngi, hadien ba kam lah ban siew ia ka ram jong ka Bank.
Ka Vidyalan Institute of Technology and Management, kaba don ha ka shnong Ariaon, ha Buxar District, ka dei kaba la seng ha u snem 2010 bad katei ka ju ailad ia ki samla pule, ba kin siew da ki san tylli masi, na bynta katei ka jingpule, kaba saw snem kynthih.

Katei ka kolej, ka dei kaba la seng da ki stad ki jhad, ba kynthup ia U SK Singh, U Arun Kumar Verma, ki scientist barim ka DRDO, Arun Kumar Verma lem bad kiwei ki khraw jabieng jong ka Ri.

Katei ka kolej, ka ju pan ia ar tylli ki masi ha ka snem ba nyngkong bad nangta sa kawei kawei, ha ki ar snem, kiba dang sah bad katei ka dei ia kito ki bym lah ban siew ia ka T.72 hajar shisnem, ban pule ia ka B.Tech.

Mynta ki don 300ngut ki samla jong katei ka kolej bad ki don ia ka jingeh kaba khraw, ba kin dang bteng ia ka jingpule jongki, namar ba ka Bank, kaba ai ram, ka la khang tala, namar ka ram kaba T.5.9klur.