Ba bthei u pipe, yn ym mih um, haduh 30 tarik

Shillong:Ka ophis Executive Engineer (PHE), GSWS Division No-II, Mawphlang la ïathuh ba na ka daw ka jingbthei jong u pipe 750mm dia C.I. Gravity uba kongsan bha jong ka Greater Shillong Water Supply Scheme hapoh Shnong Pomlum, ha ka por 11:30 baje mynmiet ha ka 27 tarik mynta u bnai.

Kumta halor katei ka jingjia, na ka liang ka ophis ka pyntip ba hap ban pyndep ïa ki jingmaramot ïa utei u pipe, kumta kan ym don ka jingsam bad pynmih um haduh ka janmied jong ka 30 tarik mynta u bnai, 2021.
Ki thaiñ ban shah ktah ha kitei ki por kin long ki Shnong jaka ba hab hapoh Shillong Municipal Board, Shillong Cantonment Board, Nongthymmai bad Mawlai.

Ka ophis ka pyntip ba ka jingmaramot pynbha ïa utei u pipe ka dang ïaid ban lah pyndep ha ka por ba biang khnang ban ïoh sam bad pynmih um biang ha ka janmied jong ka 30 tarik mynta u bnai, 2021.