Khlad u samla ha shen, ba iuh ka trok

Shillong: Ka jingjyllei ki jingjia aksiden, ka la long kaba shyrkhei ha kine ki sngi kiba mynta, ha kaba mynta ka step ha ka por kumba 11 baje eiei jong ka 25 tarik u bnai Risaw 2021 kawei ka Scooty kaba don ia u registration nombar ML 11 5706 ba la niah da uwei u khynnah samla ka la leit ban tynrah beit ia kawei ka trok kaba dang iaid kaba don ia u registration nombar AS 01 CC 0176 ha kaba ha katei ka jingjia katei ka trok ka la iuh ia utei u khynnah samla bad utei u samla u la khlad noh hashen, kaba la jia hashwa ban poi hajan ka Lad Rymbai.

Utei u khynnah samla u ba la ngat ha katei ka apot, u dei na ka shnong Mookympad kaba hap hapoh ka East Jaiñtia Hills District bad katei ka trok ka dei kaba dang wan na ki thaiñ Wapung da ka jingthmu ban leit pat sha Lad Rymbai.