Sodom bad Gomorrah

AIS SUJA

Sodom bad Gomorrah kidei ki Nongbah (cities) kiba heh bha ha kito ki por mynba rim kiba don shabar (Central) jong ka Duriaw Baiap (dead sea) ha Israel kata ka mut hapdeng ka Israel bad ka Jordan ha Middle East. Ka jingmut Sodom kalong ka jaka ki kam ki ba sniew (a place of corruption) bad Gomorrah, ka jaka ki nuti bad ka jingiaioh tnga (sexual acts in public).

Ka Sodom bad Gomorrah ki la long shisien ki nongbah ba pawnam haka jingriewspah bad khaii pateng (trade and commerce) kiba khraw, ka jaka ia khalai ka jaka ki thei nuti, ka jaka ka spah ka jingim lutphut (luxury life) bad kala kylla long ka jaka ki kam awria bunjait haduh ba kamdon shuh ka burom ka akor, kiei kiei baroh ki la kylla long kum ki mrad ha kaba ki briew ki tip tang ia ka bam bad ka shong kurim (food and sex), khlem da sheptieng shuh ia u Blei, bad ki la kylla long shisha kum ki mrad. Kumta ka jingim briew ha Sodom bad Gomorrah kam shym iapher na ki mrad. Dei nakata kadaw ba u Blei u la pynjot ia kine ki artylli ki nongbah bakhraw.

Haba u Blei ula iohi ia kine kiei kiei, u Blei u la phah da ki angel ban kyntu ia u Lot u briew jong u Blei ban mih noh na Sodom ryngkat ki khun ka tnga kiba haing hasem baroh. U angel u ong – To da phet iap, wat kyrtiangdien wat sangeh haka pyntha to phet iap sha u Lum soar ioh ba men ing. Genesis 19; 15-23. Ha shiteng lynti ka lok u Lot ka kyrtiengdien bad ka kylla maw mluh (statue). U Trai u la pynhap slap halor ka Sodom bad Gomorrah da u kyndok bad ka ding (brimstone and fire). Genesis 19:24. Kumta la pynkyllon thiaw ia kita ki artylli ki nongbah bad ia kata ka pynthor ia kita ki trai shnong bad ia ki kiei kiei kiba mih naka khyndew. Genesis 19: 25.

Kane ka jingpynjot ia ka Sodom bad Gomorrah kalajia kumba 4000 snem mynshwa ha kaba ka jingrhem ka ding ka la poi haduh 4000 degree celcius ka jingkhluit kaba shyrkhei kat ban pynum bad pynkylla dpei lut ia ka khyndew, ki maw, ki shyiap baroh hangta, bad kine ki jaka ki long ki ba jem moi moi haba ktah iaki, kiba examin ia kine ki jaka ki shem ba kalong kaba shisha bad ba ka jigrhem kaba shyrkhei namar haduh mynta mynne ki scientist ki dang lap ruh ia kita ki kyndok (brimstone) kiba meh ding tang shu la pynmeh ia ki. Ka pop ka Sodom bad Gomorrah ka la pynjot thiaw ia kiei kiei baroh. Ka ktien u Blei ka iathuh ba u Abraham haba u la khie mynstep, u la khmih shaphang Sodom bad Gomorrah bad Ia kita ki pynthor (valleys) u iohi ia ka tdem kaba kiew kum ka lawar ding. Genesis 19:26-29.

Ka long kaba shyrkhei ban tip ba ki pop jong ki briew ha kito ki por ha kine ki artylli ki nongbah ka la pynbitar ia u Blei uba im.ka pyrthei kala nangsniew nangsniew Kane kajuh ka pop ka dangdon ha kane ka pyrthei, ha kine ki sngi ha kaba ka spah ka la pynmatlah lut ia ki briew katba kim tip shuh ia ki jingshisha bad ia ka hok, bad la lehbein bad lehdonbor ia kiba rit baria, u Blei u iohi ia ki jingshisha (God sees the Truth) mynta u ap kumno ban pynjot thiaw ia kita kiba khrawbor ki riewstad kiba riewspah jong kane ka pyrthei. Dei nakata ka daw ka ktien u Blei ka maham da kaba ong –“Wat ai ba u riewstad un sarong ha la ka jingstad lymne u bakhrawbor un ym sarong hala ka bor, u riewspah to un ym sarong ha kita ki spah jong u. Jeremaiah 9:23-24.

U Blei um shymriej iano iano, wat ia ki angel jong u ruh, mynba ki la leh pop (bad ia kane ka pateng ruh). Mynba u Blei u la pynkylla dpei ia ka Sodom bad Gomorrah u la pynrem ia ki, u la buh ban long ka jingmaham (pateng la pateng) ia ki bymriew blei. 2 Petros 2:4-7. Amen