Kwah ka SRK, ka Dorbar man u snem

Shillong, 3 Jylliew:
Hadien ka jingjop ka Dorbar Bah ka Bri u Hyniewtrep ha madan Polo ha ka 30 tarik Jyl liew, ka Synjuk ki Rang bah Shnong (sor bad khap sor) ki la don ka jingpyr khat kumno ban pyniaid shakhmat ia kane ka dorbar bah shakhmat wat ha ki snem ban wan.
Katkum ka jingtyl long khubor ba la ioh, la iathuh ba ka Synjuk myn ta kala thaw ia ka Synjuk jong baroh ki Rangbah Shnong ka ri Khasi bad Jaintia kaban iadon bynta lang baroh ki rangbah shnong ban iapyr khat kumno ban pynlong ia ka Dorbar Bah kaba bteng ha ki snem ban wan.
Ka tyllong khubor, ka la ong ba ka jingwan tuid ki paidbah ha katei ka sngi da ki lak ngut, ka  pyni ba ki pynpaw ia ka jingshaniah bad jingsngew skhem ha ki dorbar shnong kiba la seng nongrim naduh kulong kumah hyndai hynthai bad ka la ai mynsiem ia ki nongialam ban iaid shakhmat ia ka jingthmu jongki.
Ia mynta namar ba ka jinglong jingman ka dang shongshit bha ban iakren ia ka Village Administration Bill kaba thmu ban pynkup bor ia ki rangbah shnong bad ki bor shnong, kim pat kwah ban leh kyrkieh ia kane hynrei ki kwah ban iapyrkhat sani bha.
Ha ka Dorbar Bah ha ka 30 tarik kaba la wan poi palat shi lak tam ki paidbah na kylleng ka ri Khasi bad Jaintia, la pynbna ia ki rai ba dei ban pynlongkam noh ia ka VAB, nalor kiwei pat.
Ka dorbar bah ka la rai ruh ban nym iadon bynta shuh bad ki kam ka sorkar haduh ba ka sorkar ka la lah ban pynbeit ia ki kynrum kynram khamtam ka jingshah pynduh bor jong ki rangbah shnong ha ka Kashari High Court ka Meghalaya.
Katkum ka jingtip, ka Synjuk Ki Rangbah Shnong (sor bad khap sor) kaba pynlong ia ka dorbar bah, ka don haduh 100 ngut ki dkhot kynthup 38 ngut ki Rangbah Shnong na Sor bad 68 ngut ki Rangbah Shnong na khap sor.
Ka Synjuk Ki Rangbah nalor ki shnong ba hap ha sor ba don 38 ngut,  ka kynthup 68 shnong naduh Laitkor, Shilliang Umkhen, haduh Upper Shillong bad ka Mawlai haduh Mawiong.