Ha Jyntru kylla ka trok kit dewiong, ba wan na Guwahati

Nongpoh: Kawei ka trok kit dewiong kaba wan na ki thain Guwahati, da ka jingthmu ban leit pynhap ia utei u Dewiong sha Lumshnong, Jaintia Hills, ka la kylla noh kawei ka jaka jong ka surok bah NH-6 bad kaba hap hapoh u pud u sam ka shnong Jyntru ha Ri Bhoi District.

Katei ka jingjia ka la jia mynta ka sngi ha ka por 11:30 baje ei ei mynstep, AS-01-FC-0316 ha kaba katei ka trok kit dewiong, kaba la niah da u Jesperson Ryngkhlem, hynrei haba la poi ha katei ka jaka kaba kham long khongdong, katei ka trok ka la kylla beit hapdeng surok bad kaba la khang lynti ia ki kali ba kin iaid lyngba katei ka surokbah NH-6.
Ha katei ka jongjia kylla katei ka trok, kam shym la don kano kano ka jingjia ba sngewsih ne mynsaw jur, namar wat u nongniah jong katei ka trok ruh u shu mynsaw tang malu mala.