Sangeh shalan dewiong, ba dap um ka jaka thew ha Tamabil

Shillong, 3 Jylliew:
Ka kam shalan dew iong na India sha Bangladesh lyngba ka thain Dawki ka la sangeh shisngi namarba ka jaka thew dewiong ( Weight Bridge) kaba don ha Tamabil ka la dap um. Katei ka jingjia ka la jia ha ka 1 tarik u jylliew ha ka por ba jur slap, iathuh ki lad khubor , la ong ruh ba ha ha katei ka sngi ka shalan dewiong kam trei kam baroh shisngi tad haduh ka por 4 baje janmiet ba ka la long pat.
Ki lad khubor ki la iathuh ba ha katei ka sngi por ba jur bha u slap, ka jaka thew ka la dap um bad ki kor ki bor kim lah treikam shuh bad la ong ba haba la pyrshang ban thew jubor kam pyni dak eiei, kumta la pynsangeh noh ia ka jingshalan ha katei ka sngi. La ong ruh ba katei ka jingjia kam dei ka sien kaba nyngkong hynrei kaba la ju jia teng ha ki por ba la dep ha kaba tang shu ther u lapbah katei ka jaka thew ka dap um mam, bad bunsien la hap ban wan tan um da ki kali Fire Brigade ne hap ban Pump. Katei ka jingjia ka la pynkynduh jingeh ia ki nongkhaii dewiong kiba shalan dewiong lyngba ka Tamabil-Dawki.