Sa ka phah khang ophis NPP, hapoh shi taiew; “Lah ki seng trai ri” ong ka HNLC

Shillong: Ka jingkam ki pulit halor ha jingwan pyndem u Bah Suchen ka dei tang ka jingshna drama jong ki.

Hynriew bnai mynshuwa u Bah Suchen u lah shah kem teng haki pulit halor ka jingsuba ba u donkti haki kam pynbthei bom. Hadien ba u la lait, ki pulit ki dang leit thwet, leit pynthut,bad leit byrngem ia u te u bapli um banse ban phet rieh biang bad hadien kata u sa leit ban pyndem noh ialade.

U Bah Suchen um shym dei u briew uba don bynta ha ki jingpynbthei IED katkum ka jingkynnoh ki Pulit. Ka tnad pulit namar ba kam ioh sabut ba tikna halor ka jingbthei IED ka lah shu kem la ka kem ia ki dkhot barim ka HNLC kumjuh ia kiwei pat ki samla baluilui la kumba kem ia kito ki syiar farm bad ki dkhot ka HNLC kim dei kiba suk ban kem kumba leit kem iaki syiar farm.

“Ka HNLC ka kyntu ruh ia ki paidbah ba kim dei ban ai vote ia ka NPP ha kane ka elekshon shiteng samoi, kum ka dak ban pyrshah ia ka jingshah siatiap u Bah Cherish Thangkhiew. Ki National party ki leit ki wan ha ka Jylla, hynrei ym don tang kawei ka party ka ban ai ia ka jingshakri hok ia ka Jaidbynriew jongngi. Nga sngew ba ki National party ki long thik kum u simpyllieng bunrong ha ka jingsynshar(rainbow coalition)bad kine kin nym lah ban weng ia ka jingeh ka Jylla Meghalaya. Ngim donkam ia ka rong simpyllieng kaba iakhleh lang ki dkhar,ki garo hynrei la kumno kumno ngi donkam ia ki sengtrai ri ba shirong kiba lah ban ai ia ka jingshakri, katkum ka jingangnud ki paidbah” ong ka kyrwoh, na U bah Sainkupar Nongtraw, General Secretary cum publicity Secretary, HNLC.

Ka Seng ka pynbna ruh ba ki ophis ka NPP ki dei ban khang khyrdep shisyndon na khasi bad jaintia, ka ban treikam naduh mynta ka sngi bad yn aipor ia ki tang hapoh shitaiew.

Kane ka dei ka jing byrngem kaba ar na ka liang ka HNLC, pyrshah ia ki nongtrei NPP, tang hadien shi taiew antad. Kham mynshwa, ha ka 4tarik Risaw 2021, katei ka seng, ka la hukum ia kito ki nongtrei jong ka seng NPP, ba kin mih mardor na katei ka seng bad ba kin nym bit ban pyn iasoh shuh satia ialade bad katei ka seng bad ba ki dei ban leh ia kata hapoh shibnai bad katei ka Council, kan shim ia ki rai kiba tyngeh ia ki nongtrei jong katei ka seng ha Khasi, Jaintia hills.