KI KYNBAT AYURVEDIC

Kong L Kongwang

KI KYNBAT AYURVEDIC : Katto katne ki kynbat Ayurvedic kiba biang bha ban pynjah iaki jingringsti haka sniehdoh.

Ka jingring sti ha ka sniehdoh kadei kawei naki dak ba paw bha jongka jingring tymmen. Da ka jingnang heh haka rta, ka sniehdoh jongphi ka sdang ban duh noh iaka jinglong tan bad jinglong pyrkhing jongka bad ka sdang ban noh.

Hynrei kidon shibun ki briew kiba iakynduh jingeh naka jingring sti khlem pat dei por kum ka jingpaw ki laiñ haka durkhmat bad ki laiñ ha syndah khmat. Ka jingshahktah haki kjat sngi, la jingtyrkhong haka sniehdoh, ki jingsleh chemicals bad kiwei kiwei ki lah ban dei ki daw halor ka jingpaw kloi jongka jingring sti. Ban lait na kine ki jingeh kiba iadei bad ka sniehdoh, kaba kongsan eh ka long ban pynum iaka sniehdoh.

Ki jingpynbna teng teng ki ju khring iaphi ban thied iaki jingtah khmat. Hynrei ki chemicals kiba don ha kito ki jingtah khmat ki lah ban nang pynsniew shuh shuh. Pyrshang ban pyndonkam daki kynbat Ayurvedic kiba biangtam ban weng iaki jingring sti haka jaka jong kito ki jingtah khmat kiba don chemicals, namar kine kim don jingktah ei ei. Phim donkam ban wad shitom iakine ki kynbat Ayurvedic namar shibun kine ki jingkhleh (ingredient) lah ban ioh ha kamra iingshetja ruh. Bad ruh phim donkam ban siew rem naka bynta ban thied iakine ki jingtah durkhmat.

Nalor ka jingpyndonkam daki kynbat Ayurvedic ban pynjah iaki jingring sti, phi dei ruh ban bud shuh shuh katto katne ki jingai jingmut kiba donkam. Phi dei ruh ban pynleit jingmut haka bam jongphi. Bam shibun ki soh bad ki jhur bad wat klet ban dih um shibun katba lah ban pynum iaka sniehdoh na shapoh ka met.
Kumta, kiei ki kynbat Ayurvedic kiba biangtam ban pynjah iaki jingring sti?. Hangne phin tip shaphang katto katne naki. Ban kyntiew iaka jingbha bad itynnad jongka sniehdoh bad ban lait naka jingnoh kloi bad ka jingshahktah ki thliew rit haka sniehdoh, ngeitskhem kine ki kynbat Ayurvedic kin ai iaki jingmih kiba bha tam.

MULLEIN:— Katba dang iakren shaphang ki kynbat Ayurvedic ki ban weng iaki jingring sti, kane kan shim iaka bynta kaba donkam bha haka jingiakren. Da ka jingdon bun ki tannins, elastin, minerals baf shibun ki Vitamins, kine ki mullein ymtang ba ki pynjah iaki jingring sti hynrei kilah ruh ban weng iaki jingsahdak haka durkhmat jongphi.

FENUGREEK:— Pyndonkam da ki sla ne ki symbai fenugreek haka dur jongka umphniang ne ki jingtah. U fenugreek udei u dawai kynbat tynrai uba lah ban pyndonkam naka bynta ban pynjah iaki jingring sti haka sniehdoh. Une u kynbat udei uba don shibun ki Vitamins bad minerals kiba lah ban pynlong iaka sniehdoh jongphi kaba koit ba khiah na shapoh ka met bad treikam phylla bha ha kaba iadei bad ka jingpaw ki lain bad ringsti haka sniehdoh.

WITCH HAZEL:— Na kadaw ka jingdon kyrhai ki antioxidants, ki witch hazel la jutip bha kum ki dawai kynbat tynrai kiba lah ban pynjah iaki jingpaw lain haka sniehdoh bad pynskhem iaka sniehdoh. Ka jinglong tan jong une u kynbat ka iarap ban pynitynnad iaka sniehdoh jongphi bad iarap pynduna iaka jingnoh kloi ka sniehdoh da kaba pynjah iaki jingring sti. Kilah ruh ban pynduna ka kino kino ki jaid jingtyrha ne jinglong dait haka sniehdoh.

ALOE VERA:— Ban sumar naka bynta kano kano ka jaid jingshitom haka sniehdoh, une udei uba biang bha. Ka jingwad jongphi iaki kynbat Ayurvedic ban weng iaki jingring sti ka sniehdoh kalah ban poi sha kaba kut da kaba pyndonkam ia une u Aloe Vera. Ki mallic acid kiba don ha u Aloe Vera ki kyntiew iaka jinglong tan jongka sniehdoh jongphi bad iarap weng iaki jingring sti.

KI SYMBAI SOH GRAPE :— Na kadaw ka jingnang heh haka rta, ka jingpynmih iaki Collagen ka nangduna bad ka sniehdoh jongphi ka sdang ban ran noh. Ki symbai soh grape kidei ki kynbat ba phylla kiba lah ban kyntiew iaka jingpynmih iaki Collagen kiba pynlong iaka sniehdoh jongphi kaba pyrkhing bad itynnad. Philah ban pyndonkam da kino kino ki song symbai soh grape bad pyndonkam iaki borabor naka bynta ki jingmih kiba kham bha.

U SYING:— Hato phi wad iaki kynbat Ayurvedic kiba biangtam ban pynjah iaki jingring sti?. Haba kumta, u sying u lah ban leh kam phylla. U don iaka jinglong antioxidants bad anti-wrinkle properties kiba lah ban iada naka jingduna jongki elastin bad pynlong iaka sniehdoh kaba bha bad itynnad.

GREEN TEA:— Ban ioh iaka sniehdoh kaba jem, kaba jlih bad kaba dap doh, phi dei ban pyndonkam da u green tea haki jingtah kyllan khmat jongphi lane philah ban dih ar pela ia u man la ka sngi. Ka jingdon kyrhai ki antioxidants ha u green tea ka khanglad iaka jingring tymmen bad pynlong iaphi ban I samla slem.

KAJOR:— Une udei uwei naki kynbat Ayurvedic uba biangtam ban weng iaki jingring sti haka sniehdoh. U kajor u dei uba riewspah daka jingdon iaka Vitamin A kaba kyntiew iaki jingpynmih iaki Collagen kiba kitkhleh ha kaba pynlong iaka sniehdoh jongphi ban lait naki jingring sti.

UMPHNIANG SNEPKOR:— Katba phi dang pynleit jingmut shaphang ki jingsumar Ayurvedic, ka umphniang snepkor kalah ban dei ka jingsumar kaba rim tam naka bynta ban weng iaki jingring sti haka sniehdoh. Kane ka umphniang ka iarap ha kaba pynsan bad maramot iaki cell bad kumta, ka iada naki jingpaw lain ha ka durkhmat bad ki lain ha syndah khmat.

AVOCADO:— Ban poi sha kaba kut jongka jingjied iaki kynbat Ayurvedic kiba biang tam ban weng iaki jingring sti haka sniehdoh, u soh avocado udei uba biangtam ban pyndonkam. Ki jingring sti ki jia naka daw jongka jingtyrkhong ka sniehdoh. Lada tah iaki symboh jyrngam jong u soh avocado, kalah ban weng iaki jingeh kiba iadei bad ka jingring sti bad ka pynlong iaka sniehdoh jongphi kaba jem bad shai.
Khublei.