Rah ka NGT, ia ka jingbishar pynpra iing ha Wahumkhrah sha Kolkata

Shillong, 02 Jylliew:
Ka National Green Tribunal (NGT) ka la rah ia kajingbishar sha kolkata Bench na ka bynta ban bishar halor ka jing pynpra ia ki jingtei beain ha Wahumkhrah.Katkum ka thymmei khubor ba la iohlum, la iathuh ba ka NGT ka la rahia kane ka jingbishar sha Kolkata ban bishar ban rai ia ki jingteikiba tei beain harud Wahumkhrah namar ba ka don kawei ka mukotduma ha katei ka jylla kaba iasyriem kum ka jingjia hangne ha Meghalaya.
Ka thymmei khubor ka la iathuh ruh ba na ka liang jong ka Greater IewPolo Association (GIPA) ka kynhun ki briew basah ha thain Polo, ka la pan jingbit ba ka kwah ban iadon bynta lang ha kane ka jingbishar kum kawei na ki kynhun kibashah ktah na kane ka hukum ba la pynmih da ka NGT.
Ia kane ka jing bishar ka NGT ka la phah ha ka Circuit Bench ym shuh haka Principal bench bad ka jingbishar ia kane ka kam kan long ha u bnai Naitung mynta u snem ha Kolkata.Lah ban kdew ba kham mynshwa  ka tnad Meghalaya Urban DevelopmentAuthority mynta ka dang pynlong ia ka jingbishar bniah halor ka ain bala hukum da ka NGT ban pynpra ia ki jingtei ha Wahumkhrah.
Ka NGT Special Circuit Bench ka Eastern Zone ka la bthah ia kaMeghalaya Urban Development Authority (MUDA) ban pynpra naphang ia kijingtei beain kiba ieng ha phudwah Umkhrah bad Umshyrpi  katkum kikyndon ka ain.
Ka NGT ka la bthah ba ka sorkar jylla ka dei ban wengia baroh ki jingtei beain baroh kiba don ha phud wah  hapoh lai bnai.
Ka NGT ka la pynmih ia kane ka hukum hadien ba la pynlong ia kajingsngap ia ka jingujor da u nongiasaid ia ka mariang u NabaBhattacharjee  halor ka jingma na ka jingjaboh jong ka wah Umkhrah badka wah Umshyrpi  ha kane ka sngi Palei.
U Justice Salvi u la ong ba u Deputy commissioner badu superintendent of police  ka East Khasi Hills  ki dei ban ai iakajingiatreilang baroh katba donkam ia ka MUDA ha ka jingleit pynprajongka ia ki jingtei beain.
Ka Tribunal ka la pynmih ia kane ka hukum hadien ba lasngap ia ka jingwanrah da u nongiasaid ain ka sorkar u RanjanMukherjee  ia ka rai jong ka Divisional Bench ka Gauhati High Courtha u snem 2011 kaba hukum ia ka MUDA ban pynpra ia ki jingtei beain haphud wah Umkhrah.
Haba kdew ia kane ka hukum ka Kashari, u Mukherjee ula ong ba ka Kashari ka la pynksan ia ka sorkar katkum ka bye lawsjongka  MUDA  ba dei ban pynpra ia ki jingtei beain kiba ieng halynter ka phud wah Umkhrah