Ba dkut ka lain na Khliehriat, duh ding ka Jowai palat 36 kynta

Jowai, 2 Jylliew:
Ki paidbah ka shnong Jowai ki la hap ban shong ha ka jingdum haduh 36 kynta namar ka jingthut ka bording.
Ka jingthut ka bor ding ka la sdang naduh ka shiteng meit ka sngi Ublei bad baroh shisngi ka sngi Nyngkong bad tad hapoh kumba 4:30 pm eiei ka sngi ba-ar.
Kane ka jingduh light ha ka shnong Jowai, ki paidbah ki la thut lut ka trei ka ktah. Kane ka jingduhlight ka la ktah ruh wat ia ki office sorkar naba la thut lut ki kor kom piwtor.
Ka la ktah ruh ia ki kmie ki kpa kiba shaniah ha ka bording ban shet ban tiew bad kumjuh ia ki khynnah skul kiba hap ban pule kot.  Nalor katta ki jingtrei jong ki kharkhana bapher bapher ruh ki la hap ban sangeh noh tad haduh ban da ioh light.
Halor kane, na ka liang u Chief Executive Officer (CEO) ka tnad MeECL ha Jowai, u bah M. Kurbah u la iathuh ba ka jingduh light ha nongbah Jowai ka long na ka daw ba dkut u waiar uba wan na Khliehriat sha Jowai bad ruh ka jingthut jong ki kor kiba la tip kum ki circuit breaker kiba don ha Jowai Station.
Ka la shimpor haduh palat 36 kynta eiei ia ki nongtrei jong ka MeECL ban moramot ban ban pynioh bording biang ia ki paidbah.
Kane ka jingslem ban ioh ka la pynthut ruh ia ka skim sam umkor ha ka nongbah Jowai namar  khlem ka bording ym lah ban pump ia ka um na Myntdu ban sam sha ki paidbah.