Pynbeit ia ki jingthoh ka SBI Khliehriat, dawa ka JSM

Shillong:Ka Seng Jaiñtia Students’ Movement Eastern Region (JSM-ER) hapoh ka jingialam u President Sh. Wellson R D Siangshai ryngkat bad u Vice President Sh. Donkupar Roy Kharkrang, Assistant General Secretary Sh. Kisme Dkhar mynta ka sngi ki la leit ia kynduh bad ai da ka jingthoh ha u Deputy Commissioner, East Jaiñtia Hills District bad ha u Branch Manager SBI Khliehriat Branch, ban dawa pynbeit ia ka Address jong ka State Bank of India, Khliehriat; ba la ioh i lyngba ki lad pathai khubor bad lada Google yn lap ba ka thoh Khelerihat, State Assam, Karbi Anglong District
Ka seng kam lah ban pdiang ia kane ka rukom thoh bad ka la dawa pynbeit na ka Khelerihat sha ka Khliehriat, State Assam sha ka Meghalaya bad Karbi Anglong District sha ka East Jaiñtia Hills District.

Ha ka jingiakynduh na ka liang u DC u la kular ban phah pynbeit khnang ba ki paidbah nongshong Shnong jong ngi kin ymdon kano kano ka jingsngew. Ka seng ka la og ba kum kine ki jingbakla kim dei shuh ban nang jia sha khmat, ong ka kyrwoh na u Publicity Secretary, Ma Vikey Dann.