Shillong:Ha ka 6 tarik u bnai Risaw 2021, u Bah Prestone Tynsong u ba dei u Sym bud Myntri Rangbah jong ka Jylla, u la ong ba ka Sorkar Jylla ka la phah pahara bha ha ka tnad pulit ban pynthikna ban don ka jingshngaiñ ym tang na ka bynta ki Minister, hynrei na ka bynta baroh ki paid nongshong shnong ka jylla.
U Bah Prestone u la ong ruh ba ka Sorkar ka la leh katba lah ban thaw ia ki lad ai kam na ka bynta ki samla ka jylla khnang ba kin nym phai khmat satia sha ki kam kiba sniew, tang namar ba kyrduh kam kyrduh jam, ha ka jylla bad u la ong ba ki samla kim dei ban shu khmih lynti tang da ki kam Sorkar hynrei ki don shibun ki lad ba ka sorkar ka la thaw.
Shuh shuh u Bah Prestone Tynsong u la ong ruh ba ka Sorkar Jylla ka la dep ban phah ktien sha ka Sorkar Pdeng na ka bynta ban khot sha ka miej ka jingiakren ia ka seng kieng atiar kata ka Hynniewtrep National Liberation Council(HNLC) bad u la ong ba ka shong pat sa ha ka Sorkar Pdeng ban shim ia ka rai namar ia ka jingkheiñ beaiñ ia ka seng HNLC khlem kheiñ satia da ka Sorkar jylla hynrei la leh ia kata da ka Sorkar Pdeng.
Lada khlem ka jingphah ktien ne ïa trei lang ka sorkar jylla ngam tharai ba na Delhi kin shim hi ïa ka rai ban kheiñ be-aiñ, te mynta ruh ban khot ïa kren ha ka miej ïa suk ruh Lada ka sorkar jylla kam phah ne ïa trei lang kam poi shano shano…ka HNLC ka la dei ka por ban khe Im biang ban shngaiñ ka Ri khasi ba ki wan-wir wan-hap kin ym ioh leh Trai khlieh nuksa shwa ka them ïew mawlong…..