Pdiang U Lat, ia ka Ordinance Rangbah Shnong ka sorkar

Shillong, 29 Jymmang:
U Lat ka jylla u V Shanmuganathan u la pdiang ia ka Ordinance ka sorkar kaba thmu ban ithuh ia ki Rangbah Shnong na ka bynta 6 bnai.
Kane ka Ordinance la ai kyrteng kum ka Meghalaya Local Administration (Empowerment of Traditional Institutions, Tradtional Bodies and Headmen in Governance and Public Delivery System) 2015.
Da kane ka jing pdiang u Lat ia ka Ordinance mynta ka sngi Thohdieng, la buh mynta ha khmat ki paidbah.
Lah ban kdew ba kiba bun ki seng bhalang, ki la pynpaw ia ka jingpyr shah ia kane ka Ordinance namar ba kan long ka jingpynduh bor ia ka district Council bad kan plie lad.       
”Ka Meghalaya Local Administration (Empowerment of Traditional Institutions, traditional bodies and headmen in governance and public delivery system) Ordinance, 2015″, la pynbna paidbah na ka bynta ka jingtip baroh, la ong  u Secretary kam ain u L M Sangma.
Ia kane ka Ordinance la pdiang da u Lat ka jylla namar ba kam pat don ka dorbar ha ka jylla.
Ia kane ka ordinance la shah pynbor ia ka sorkar ba kan thaw hadien ba la pynmih ka Meghalaya high court ban sloit ia ka iktiar jong ki rangbah shnong.
Ka Ordinance ka la ai bor ia ki rangbah shnong ban ai NOC ban ai syrnod kiba iadei bad ka roi ka par .