Kwah ka PDF, ban iathuh ha dorbar bah ki Rangbah Shnong rMar ia dep pynbeit ia ka VAB ha dorbar

Shillong, 29 Jymmang:
“Hadien ba la wai ka dorbar, ngi kwah ban leit iathuh wut wut sha ka dorbar bah ka bri u Hyn niewtrep lashai ka sngi ba la pynlong da ka Synjuk Ki Rangbah Shong  ban iathuh ia ki kam ba ka KHADC ka la leh ban pynbeit ia ki jingduna ha ka Villlage Administration Bill”  la ong u CEM ka KHADC u Bah Pyn shngain N Syiem mynta ka sngi Thohdieng uba dei u nongialam ka People Democratic Forum (PDF).
Ka KHADC kan shong dorbar kyrpang lashai ka sngi ban pynbeit ia ki jingduna kiba don ha ka VAB kumba la bthah da ka sorkar jylla.
U Lat ka jylla u V Shanmuganathan u la mynjur ban khot ia ka dorbar kyrpang ka KHADC ban iakren ia ka Village Administration Bill, 2015 ka KHADC.
U Bah Syiem  u la ong ba u Lat u la pdiang ia ka jingkyrpad ban pyn long dorbar ha kane ka sngi Thohdieng.
U la ong ba ka  Rule 36 Sub Rule 5 ka Assam Meghalaya District Council Rule ka la shah ia ka Executive Committee ban kyrpad ia u Lat ka jylla ban khot dorbar kyrpang namar ka jingdonkam kyrkieh ka kam.
 ”Ngi la leh ia kane tyngkat ka jingiasyllok bad ka tnad District Council Affairs (DCA)  ha kane ka sngi Palei” la ong u CEM ka KHADC.
Shwa ia kane ka People’s Democratic Forum (PDF) ka kawah ban pynlong dorbar kyrpang hynrei na ka liang pyrshah ka ARPA ka kwah ban ap shwa namar ba ka kwah ban pule bniah ia ki jingdonkam ban pynbeit.