3 Jylliew, dorbar JHADC

Jowai, 29 Jymmang:
U Chairman u ka JHADC u ma Lait singh Shylla u la rai ban khot ia ka Dorbar kyrpang ka JHADC ha ka 3 tarik u bnai ban wan (Jylliew) na ka bynta ban iakren halor ka Village Administration Bill, 2015. Kane ka rai jong u Chairman ka la long hadien ba ka kynhun ba 25 ngut ki MDC kiba kynthup ia ki Liang synshar bad Liang pyrshah kila wan ban kyrpad ia u Chairman ha ryngkat ka jingthoh ba un sngewbha ban lum ia ka Dorbar kyrpang bad kaba kyr kieh. Ia katei ka kynhun ki MDC la ialam da u Chief Executive Member, u ma Thombor Shiwat.
Kane ka jingkyrpad ka la long hadien ba ka sorkar ka la pynphai biang ia ki bill kiba la dep ban phah sha ka District Council Affairs da ka JHADC bad ka KHADC ha kaba na ka liang ka sorkar jylla lyngba ka District Council Affairs ka la bishar bad ka la rai ban phah biang ia ki sha kitei ki ar District Council ban pynbeit ia ki jingduna.
Na ka liang u Chairman ka JHADC u la iathuh ba katkum ka iktiar kaba u don hapoh kyndon 36(3) jong ka ka District Council Rules ka Assam and Meghalaya Autonomous District (Constitution of District Councils) Rules 1951, u la  shim ia ka rai ban lum kyrkieh ia katei ka dorbar kyrpng ha ka 3 tarik u bnai ban wan (Jylliew).