Ka pyrthei kam kwah ba phin sahduh hapoh Patok, ong ka AWC

Shillong:Kum shi bynta na ka jingrakhe ïa ka Gandhi Jayanti ne ka sngikha u Mahatma Gandhi kaba la long ha ka sngi Saitjaiñ, na ka liang ka ophis u Director General of Prisons, Meghalaya ka la pynlong ïa ka jingpyn khuid bad thung dieng ha baroh ki jaka treikam jong ki 5 tylli ki district prison kiba don ha ka jylla.

Ha Nongpoh ka la don ka jingpynk huid ïa ki ñuit ki ñier bad ka jing thung dieng ha ryng kat bad ka ‘Adventures – We Care’ da ka jingïatrei lang bad ka ‘India Tourism’.

Ka la donruh ka jingsam jingbam ïa baroh ki koidi da ka ‘Adventures – We Care’ (AWC), kum ka jing pynshlur ïa ki ban pynkylla ïa ka jingim jong ki bad ban ka khubor sha ki ba ka pyrthei ka kwah ba kin ym sahduh hapoh ki kynroh ka Patok bad ban long ki nongshong shnong kiba don jing kitkhlieh.

Ha katei ka jingrakhe, u Bah M. Kharkrang, IPS, Inspector General of Prisons u la ai khublei ïa katei ka jingpynshlur jong ka ‘Adventures – We Care’, haba ïadei bad katei ka jingleh jong ki.