Jaka ujor kyrteng thep vote U DC

Shillong, 29 Jymmang:
U District Election Officer, East Khasi Hills u la pyntip ba ka General Control Room cum Complaint Monitoring Cell la buh ha ophis u Deputy Commissioner, Shillong ban ioh ia ki jingujor na ki paidbah halor ka jingpynrung kyrteng thep vote kaba khuid ne ka National Electoral Roll Purification and Authentication Programme (NERPAP). Lah ruh ban phah ia ki jingujor da kaba phone ha u no. 0364-2502079 lane 1950.