Shillong: Ka NYKS Shillong, ha ka 2 tarik u Risaw, 2021 kum ka dak jingkynmaw burom ïa ka sngi kha u Mahatma Gandhi bad ïa ka jingrakhe ïa ka snem kaba 75 ka jingïoh ïa ka jinglaitluid ka Ri India, ka la ïa trei lang bad ka Seng Samla Youth Club Kutmadan lyngba ka Clean India, ka ban pynlong naduh ka 1tarik haduh ka 31tarik Risaw, 2021 bad la lah ban pynlong da ka Flogging Run ïa ka jingïapynkhuid shnong bad ïa ki rud surok bad ki jaka jngoh kai da kaba lum ïa ki plastik.
Ha kane ka program la ïa don lang ki dkhot ka EC ka Sengsamla Youth Club, u NYV ka Shella Block, u bah Kyntiewlang Nongrum uba la lah ban wanrah ïa kane ka program, kumjuh ruh u secretary ka shnong bad ruh ka jingïashim bynta lang ki NSS Volunteers ka Sohra Government College bad Ki NCC cadets jong ka Rama Krishna Mission Higher Secondary School Sohra.
La plie bad la kaweh lama ïa kane ka Program da u President ka Club, u bah Kynshewlang Syiemlieh bad ha ka juh ka por ka jingpynbit pynbiang ïa ka program da u bah Wadborlang Majaw, Secretary ka Club.
Phi don ban ong eiei?