Kem ding ka Bolero, ingkhong u briew hapoh kali

Nongpoh: Ka la don kawei ka jingjia kem ding kynsan ia kawei ka Bolero ha surokbah NH-6 ha Ri Bhoi, kaba don ha ki bynta ka shnong Umran Dairy bad Umsamlem, ha kaba na katei ka jingjia u briew uba niah ia katei ka kali, u la khlad noh hashen namar ba u la ingkhong hapoh katei hi ka kali.

Katei ka Bolero, ka don ha ka liang ban kiew sha Shillong bad kat haduh ba la thoh ia kane ka khubor, ym pat iohlum ia ka jingtip kaba bniah, halor katei ka jingjia bad kumjuh ia utei u nongniah jong katei ka Bolero.
Tang mar ia tip halor katei ka jingjia, ki Pulit ka Umsning ki la leit mar mar sha katei ka jaka, na ka bynta ban pynlong ia ka jingtip bad ban tip ia ka daw halor katei ka jingkem ding katei ka Bolero.