Ym pat pyntip u Bah Lamphrang, ban mih Congress

Shillong:U Bah Pynshngaiñ Syiem u ba dei u MDC ka Pynthor umkhrah Constituency na ka seng Congress u la ong ba u nongialam ne u Parliamentary Leader hapoh ka Khasi Hills Autonomous District Council(KHADC), u Bah Lamphrang Blah um pat shym la pyntip ne ai ksai eiei satia ia kata ka jingong ba un iehnoh ia ka seng Congress.

Haba kren sha ki katto katne ngut ki lad pathai khubor ha ka 1 tarik u bnai Risaw 2021 hadien ka jingialang jong ki dkhot ka seng Congress kaba long ruh ka jingialang ban pynkhreh na ka bynta ban iasyllok bad ban iakren ha ka jingiashong Dorbar ka ban sa long shen, u Bah Pynshngaiñ Syiem u la kyntait ban jubab eiei halor ka jingkylli ba kumno u sngew hadien ba ka seng ka la kyntait ban ai tiket sha u Bah Lamphrang Blah na ka bynta ka elekshon shiteng samoi shapoh ka ïing dorbar thawaiñ ka jylla na Mawphlang Constituency hynrei u la shu ong beit ba hapoh ka seng ruh kim pat iakren eiei halor kata.