Khot jingialang ka KHADC ia 30 ngut ki MDC

Shillong, 27 Jymmang:
Ka Executive Committee (EC) ka KHADC ka la khot ia ka jingialang kyrkieh jong baroh 30 ngut ki MDC ban iakren ia ka jingmih na ka jingiakren bad ka sorkar halor ka Village Administration Bill, 2014. Kane ka jingialang kan long lashai ka sngi ha  MDC hostel ha ka por 11 baje mynstep.
 ”Ngi la khot ia kane ka jingialang jong baroh 30 ngut ki MDC ban iakren ia ka jingmih ka jingiakren bad ka sorkar jylla halor kane ka Bill”, la ong u CEM ka KHADC u Bah Pynshngaiñ N Syiem ha kane ka sngi Balang.
U la ong ba ha kane ka jingialang kin iakren la donkam ne em ban khot ia ka dorbar kyrpang ban pynbeit ia ki jingduna jong ka Bill kumba la bthah da ka sorkar.