Balei ka don ka Jingiap?

AIS SUJA

Shisien pyrkhat, balei ka don ka jingiap? Ne balei u Blei u buh ia ka jingiap ha u Briew? Lehse kadei ka jingkylli kaba u briew u ju puson marwei ba balei ka don ka jingiap, namar ka jingiap hi kadei kaba kut ia u briew ha kane ka sla pyrthei, ba u wei pa uwei uba la wan sha kane ka pyrthei udei ban iap.

Ka jingiap, kadei ka jingpynia khlad ia u briew shipor na ka met bad ka mynsiem haba ka mynsiem kam shong shuh ha kata ka met. Te shisien pyrkhat, balei u Blei u leh kumne ne balei ka jia kumta? Ka jubab ngin ioh na ka ktien u Blei (Bible). Ha ka jingshisha, naduh ba sdang hi, haba u Blei u la thaw ia u briew ha ka sngi kaba Hynriew. Genesis 1:31. U Blei u la thaw paka bad janai ia u briew ha kadur ka jing syriem jong u hi, u ong – “To ngin ia thaw ia u briew ha kadur bad ka jingsyriem jong ngi hi….. u Blei u la thaw ia u briew ha ka dur jong u hi, ha ka dur u Blei kein u la thaw, shynrang bad kynthei u la thaw ia ki, Genesis 1:26-27.

Hooid, u Blei u la thaw briew shynrang bad kynthei , tang ba u la thaw Temporary ia u briew na ka dew met ka khyndew (from the dust of the ground) bad u la pyrsad ha ki thliew khmut jong u briew ia ka jingpyrsad ka jingim; bad uta u briew u la long ka mynsiem ba im (and man became a Living Soul). Genesis 2:7. Hangne ngi sngewthuh ba pleng la thaw ia u briew na ka khyndew, u briew u la long tang ka khyndew. Kane ka met (body) ka long tang ka khyndew kaba ym neh slem bad kan sa leit phai ruh sha ka khyndew. “Naba na ka khyndew me long bad sha ka dewmet men leit phai pat. For dust thou art, and unto dust shall thou return.” Genesis 3:19. Kumta la thaw ia u briew ym ba un shongneh ha kane ka pyrthei, hynrei shipor.

Hooid la thaw ia u briew ha ka jingsyriem ia u Blei, bad kata ka jingsyriem kamdei ha kaba kynja doh hynrei ha kaba kynja mynsiem. U Blei u long u mynsiem (God is spirit). Ioanis 4:24. Kumta ngi sngewthuh ba u briew ruh udei hi u mynsiem (Man is spirit). Balei? Namar la thaw ia u briew ha ka jingsyriem ia u Blei na kaba kynja mynsiem. Kumta ka subject shaphang u briew ymdon uba lah ban batai lait noh tang ka ktien u Blei (Bible). Ha u briew, ka jingiap kadon arbynta, kawei ka jingiap kaba ha ka met, kawei pat ka jingiap kaba ha ka mynsiem. U Briew ba la kha pat (Born again) u iap tang shisien, uba khlem kha pat u hap ban iap arsien. Kumta, na kadaw jong ka pop, la buh ba u briew un iap ar sien lada u khlem kylla bamut ne lada khlem kha pat ia u. Namar ka bai nong ka pop. Ka long ka jingiap. Rome 6:23. Ka jingiap ha k aba kynja mynsiem. Na ka daw ka jingsarong jong ka pop u Blei u la buh ia u pud ha u briew bad kata ka dei ka Jingiap (death). Ka pop ka jingsarong ka sdang na u soitan Lucifer, bad kane ka pop sarong ka rung sha ka pyrthei, ban pynduh ia kata ka jingsarong ha u briew. U Blei u la shah iaka jingiap – khnang ba ka doh baroh kan ymioh leh sarong ha khmat u Blei. 1 korinth 1:29. Kumta lada u briew un sarong katno katno ruh ha kane ka pyrthei udei hi ban iap shisien ka sngi, namar ba u Blei ula buh ia ka sngi ka jingiap ha u Briew. “Labuh ha ki briew ban iap tang shisien, bad hadien kane, ka wan ka jingbishar. Hebru 9:27. Te lada u briew un iap noh na kane ka pyrthei khlem jingkha pat ne kylla bamut, u hap ban iap arsien, iap ha ka met, iap ha ka mynsiem junom ha dujok.

Kumta na ka bynta kita kiba la kha pat kiba la pynkhuid ialade na ka pop, kin sa ioh bynta ha ka jingmihpat kaba Nyngkong. “U ba suk bad uba khuid long uta uba don bynta HA KATA KA JINGMIHPAT KABA NYNGKONG. Jingpynpaw 20:6. Ah ka jingkylla ka jingmaian ki kam jong u Blei. Ah ka jing jylliew bah ka jingkynrei spah ka jingstad bad jingtip jong u Blei! Ah katno ba kita ki jingkut bishar jong u ki long ki bymlah iit shuhm ki lynti jong u bymlah bud shuh! Uei ba la tip ia ki jingmut u Trai? Uei bala julong nongsylla lem bad u? uei ba la ai shwa ha u bad ba yn ai jingai kylliang pat ha uta? Naba na u da u sha u, long kiei kiei baroh. Rome 11:33-36.

Kumta, wat la ka don ka jingiap kaba u Blei u la buh hynrei un sa pynduh noh ia ka shisien ka sngi. “Ka nongshun kaba khadduh ia kaba ynsa pynduh ka long ka Jingiap. 1 Korinth 15:26. Amen.