Kylla kyrteng ia ka MUDA Complex, sha ka Nongpoh Town Shopping Complex

Nongpoh:Ka sorkar jylla lyngba ka tnat Meghalaya Urban Affairs Department (MU DA) hynnin ka janmiet ka la pynkylla kyrteng noh ia ka MUDA Complex Nongpoh sha ka Nongpoh Town Shopping Complex.

Lyngba katei ka sngi, hadien ba la pynbna ia ka jingpyn kylla kyrteng na ka MUDA Complex sha ka Nongpoh Town Shopping Conplex, la iohi ba la don ka jingpyndait ia ki dak ha katei ka Building bad kaba la pyni ba naduh mynta la tip ia katei ka Complex sha ka Nongpoh Town Shopping Complex.

Lah ruh ban kdew hangne, ba halor katei ka jingthmu pynkylla kyrteng ia katei ka Complex, ka Nongpoh Town Committee ha ki snem ba la leit noh ki la leit ruh ban ai da ka jingthoh sha ka sorkar jylla ban kyrpad ba dei ban pynkylla kyrteng noh ia katei ka Urban Affairs Shopping Complex sha ka Nongpoh Town Shopping Complex bad na ka liang ka sorkar hadien ka jingbishar bniah bad kam don kano kano ka jingpyrshah ka la shim ia ka rai ban pynkylla kyrteng kumba la kyrpang da ka NTC.

U Bah CB Syiem Chairman ka Nongpoh Town Committee ha ka jingdonlang u Bah Rayonald Kharkamni Secretary, Bah R Warjri u la ong ba kane ka jingkyrpad jong ka NTC ka la urlong bad na ka liang ka sorkar ka la dep ban phah da ka jingthoh naduh u snem bala dep, hynrei namar ka khlam Covid-19 la hap ban pynsangeh shuwa ba dei mynta bala lah ban weng noh ïaki jingthoh barim bad buh da kaba thymmai ban pynbna pyrthei noh ba ïa katei ka Market Complex la tip noh kum ka Nongpoh Town Shopping Complex.N
Ka NTC ka ai ka jingkhublei ba kyrpang ia u Bah Hamletson Dohling, u ba bat kum u myntri ka tnad Urban Affairs ha katei ka por u ba la shimkhia ia katei ka kam ban pynurlong ia ka jingkyrpad ka NTC, nangta ia ka DC Ri Bhoi, ki ophisar lem bad kiwei ruh kumjuh.