Shah thung ka Kong Rebecca V Suchiang kum ka Chief Secretary ba thymmai

Shillong: Ha ka sngi Balang kata ka 29 tarik u bnai Nailur 2021, ka Sorkar Jylla ka la pynmih ia ka hukum ban thung ia ka Kong Rebecca Vanessa Suchiang kum ka Chief Secretary bathymmai ha kaba u Chief Secretary u ba mynta u MS Rao un shongthait noh ha ka sngi Palei kata ka 30 tarik u bnai Nailur 2021.

Ka Kong Rebecca ka dei ka IAS Officer ha u snem 1989 na ka Assam Meghalaya Cadre bad mynta ka bat kum ka Additional Chief Secretary bad ka peit ruh ia shibun ki tnad treikam kiba kynthup ia ka Personnel & A.R. Cabinet Affairs, Finance, Home (Police), Political, Home (Passport), Home (CD&HG), Ex-Officio Director General, MATI and Chairman-cum-MD, MeECL.

Katkum katei ka jingpynbna ba la pynmih na ka Sorkar Jylla ka iathuh ba ka Kong Rebecca Suchiang hadien ka jingshimti kum ka Chief Secretary, kan long ruh kum ka State Vigilance Commissioner Meghalaya.