Shillong: Ha ka sngi sdang jong ka Vinoo Mankad Trophy, ka Meghalaya kaba don lang hapoh ka goup bad ka Arunachal Pradesh ka la lah ban jop pyrshah ia ka, da ka jing ioh century u Josiah Momin bad ka jinglah ban pynkhyllem san ngut ki wicket u Manish Sharma kaba la pynjop ia ka Meghalaya da 133 run.
Ka Vinoo Man kad Trophy kaba dei ka Tournament jong ka U-19 Boys, ka la ioh ban sdang nyngkong ia ka match jong ka ha Ranchi ha kaba ka Arunachal Pradesh ka la jop ia ka toss ha ka kylla step bad jied ban kawang bad ap bol shuwa. Lah ban ong ba-i kumba ka dei ka rai kaba bha ia ka Aruna chal Pradesh ha kaba ka la lah ban pynkhyl lem 2 ngut ki nongtied ka Meghalaya tang hapoh ka jingkamai kaba 24 run.
Hynrei da ka jingwan tied u Momin uba la kamai shuwa 50 na ki 72 bol bad hadien kata sa 50 shuh tang da 30 bol, u la kot sha ka century kaba 109 run na ki 111 bol kaba long marshiteng na ka jingkamai kyllum jong ka kynhun Meghalaya kaba kot sha ka total kaba 217 run. U Captain ka Megha laya u Kevin Christopher uba la ianeh bad u Momin u la lah ban kamai 40 na ki 77 tylli ki bol.
Da ka jingtied 14 tylli ki four bad 2 tylli ki six, u Momin u la hap noh ha ka over kaba 43, hynrei nadien jong u ka Megha laya ka la lah ban kyntiew shuh sa 30 run ha kaba u PM Santosh uba la lah synniang 16 run u la khyllem noh ha ka bol kaba khatduh ban poi sha ka total kaba 217 run.
Ha ka kylla miet ka Arunachal Pradesh ka la leh kai biang biang ha kaba ka la lah ban pynneh ia ki wicket jong ka tad haduh ka over kaba 15 da ka jinglah jong u Manish Sharma ban pynkhyllem noh baroh arngut ki wicket kiba nakhmat bad nalor kata sa lai ngut shuh shuh ban pynioh halade ia ka poin kaba 5/24 hapoh ka 10 over. Nalor u Manish kiwei ruh ki nongkawang bol ka Meghalaya ki la lah ban pynkhyllem wicket kiba kynthup ia u Gavi neal Marpna 2/16 katba u A. Sangma bad u Bharat Gurung ki la ioh mar 1/14.
Da ka jingduna eh ka run rate jong ka Arunachal Pradesh ka la kamai duna tang 84 run bad khyllem lut baroh ki wicket.
Hadien ka jingjop ia ka Arunachal Pradesh ka Meghalaya kan iakyn duh pat sa bat ka Nagaland kaba yn ialeh mynta ka sngi.
Phi don ban ong eiei?