Shillong:Ka Malki SC hadien, ba ka la ioh jingbit ban pynlong ia kane ka lympung ialehkai ka 1st Knock Out Meghalaya Open Tennis (soft) Ball Cricket Tournament, ka la rai ban pynsdang ia kane ka lympung naduh u taiew ba khatduh jong u bnai Risaw 2021. Ia kane ka lympung ialehkai yn pynlong hapoh madan Malki.
Katkum ka kyrwoh jong u Secretary jong ka Club u Bah Rilang Mylliempdah, u la ong, ha ka jingshisha ia kane ka lympung la thmu ban pyn long ha u bnai Jym mang jong une u snem, hynrei naka jing wan lyngshop jong ka khlam Covid 19 kaba la pynlong iaka Sorkar ban khangdam (Lockdown) ia kane ka lympung la hap ban pynsa ngeh noh.Hadien ba ka Sorkar ka la ai jingbit ia ka Club ban iaid sha khmat ia kane ka lympung, na ka liang jong ka Club ka la pynbeit ban sdang noh ia kane ka lympung naduh u taiew ba khatduh jong u bnai Risaw ha madan Malki.
Na ka liang jong ka Malki Sports Club ka iawer ia ki Cricket Club/Team jong ka jylla kiba kwah ban iashimbynta ha kane ka lympung sngew bha ba kin shim ia ki form na Meghalaya Print kaba don hajan Seven Set School, Malki Point lane ki lah ban phone ha kine ki number naka bynta ka team Registration 977448 9159 lane 8259801751.
Ka tarik ba khat duh ban pdiang ia ki form kan long ha ka 23 tarik Risaw 2021, ka bai rung (Entry Fee) kan long 4000 tyngka bad ka khusnam naka bynta ki nongjop kan long 40,000 tyngka bad kiba shah rem haka phainal kan long 20,000 tyngka, nalor kane ka khusnam kan don ruh ka khusnam naka bynta ka Man of the Tournament, Man of the Match naduh ka Semi Final, Best Bowler bat Best Catch kaba long daka song tyngka.
Phi don ban ong eiei?