Ba shah shoh u samla Khasi, ha U Abdul Hussain, pynrem jur ka KSU

Jowai: Ka Khasi Students’ Union Jaintia Hills Unit kawei na ki seng treimon smgewbha na poh Ri Lum Jaintia, ka pynrem jur halor ka jingshah ktah kti jong u Maikel Sympli ha u Abdul Hussain u ba dei u Beat Officer jong ka Lalacherra Forest Beat under Matijuri Forest Range,Hailakandi ha ryngkat bad ki nongtrei jong u kaba la jia ha ka janmiet jong ka 27tarik Nailur 2021.

Ka seng ka pynpaw ia ka jingbitar bad ka pynrem jur ha lor katei ka jingleh riewkhlaw jong u tei u Forest Officer jong katei ka Lalacherra Forest Beat. Kane ka jingleh jong u tei u officer ka pyni ia ka jingkhein poh ia ki jait bynriew Khasi khlem ki daw bad wad ki la pyrshang ruh ban pynngat ruh ha ki case, khlem ka nongrim kaba biang khamtam ia ki briew kiba duk kiba im ja kpoh, tang da ka rep ka riang bad kane ka pyni ruh ia ka jingbym khein briew ia ki Khasi kiba don ha Kacharithol Khasi Punji.